|
دوا قۆناغی
کوردایەتی
هۆنراوهی دکتۆر خۆشناو
دوا قۆناغی کوردایەتی
لای هەندێك کەس
ئازادییە ، سەربەخۆییە
لای هەندێك کەس
ژیانی ئاسودەیی و ئاشتییە
لای هەندێك کەس
گیران و بەند بوونە
لای هەندێك کەس
گەندەڵی و دەوڵەمەند بوونە
لای هەندێك کەس
لە سەر کورسی حوکم دانیشتنە
لای هەندێك کەس
شەهید بوون و مردنە
لای هەندێك کەس
خوێندن بە زمانی بێگانەیە
لای هەندێك کەس
لەبیر چوونەوەی داب و نەریتی کوردانەیە
لای هەندێك کەس
دیمۆکراسی و یاسا سەروەرییە
لای هەندێك کەس
بەڕەڵایی و بێ یاساییە
لای هەندێك کەس
دوور بوون لە ژیانی ڕامیارییە
لای هەندێك کەس
بڵاو کردنەوەی زانست و زانیارییە
لای هەندێک کەس
کاسبی کردن و کاری بازاڕییە
لای هەندێک کەس
قسەی قۆڕ و گاڵتە جاڕییە
لای هەندێک کەس
. . . . . . . . . .
لای هەندێک کەس
. . . . . . . . . .
لای هەندێک کەس
. . . . . . . . . .
ئاخ سەد ئاخ
کە کەس نازانێ
کوردایەتی دوا قۆناغی نییە
هەولێر
١٥/٨/٢٠١١
|
®
